Karlmaðurinn sem keyrt var á í gær á Reykjanesbraut í Reykjavík, lést í slysinu.

Samkvæmt tilkynningu frá lögreglunni á höfuðborgarsvæðinu, lést karlmaður í umferðaslysi sem varð á Reykjanesbraut í Reykjavík, norðan megin brúarinnar (Breiðholtsbraut að Nýbýlavegi, á þriðja tímanum eftir hádegi í gær.

Bifreið á norðurleið var þar ekið á manninn, sem var fótgangandi. Var hann fluttur á slysadeild og úrskurðaður látinn eftir komuna þangað.

Rannsókn á tildrög slyssins er í höndum lögreglunnar á höfuðborgarsvæðinu og rannsóknarnefnd samgönguslysa.