Edda Björgvinsdóttir gerir stólpagrín að fyrri ríkisstjórn Ísland.

Þjóðargersemin Edda Björgvinsdóttir er komin með nýjan karakter, sem gæti mögulega orðið vinsælli en Bibba á Brávallagötunni en hún hefur birt myndskeið þar sem hún sést með filter yfir andlitinu svo hún líti út fyrir að vera að minnsta kosti 20 árum eldri en hún er.

Í nýju myndskeiði gerir Edda stólpagrín að stjórnarandstæðunni og fyrri ríkisstjórn vegna umræðunnar um mál Ásthildar Lóu Þórsdóttur, fráfarandi barnamálaráðherra.

Gefum Eddu orðið:

„Ég er með skilaboð til ríkisstjórnarinnar, út af þessu máli þarna með Ástríði, þarna, krakkamálafélagsráðgjafa. Sko, það er eins og þið getið ekki lært neitt, þið þessar kerlingar, af fyrri ríkisstjórn. Strákarnir kunna þetta. Skipta bara um ráðuneyti, hún á ekki að hætta, hún á bara fara í eitthvað allt annað, dómsmálaráðuneytið til dæmis og þá eru bara allir glaðir og einhver annar getur tekið þessi krakkamál. Tóm vitleysa. Það er alveg undarlegt með þessar kerlingar, að þær geti einhvern veginn ekki lært neitt af alvöru karlmönnum. Ég er bara sammála þessum fiskikúki þarna, það er allt of mikið af kerlingum og þær kunna ekki neitt!.“