Maður sem gekk inni í garði í Reykjanesbæ í dag og kíkti inn um glugga var til umræðu í Facebook-hóp bæjarbúa í dag. „Fjölmenning?“ spurði einn bæjarbúi.

Það var nafnlaus aðili sem birti myndirnar af manninum og sagði hann ganga á milli glugga. „Kannast einhver við hann?“ spurði nafnlausi.

Hann er hvattur til að kalla út lögreglu. Annar bæjarbúi birtir síðan mynd af öðrum manni í hverfinu. „Það er annar að skoða líka,“ segir hann. „Hvaða rugl er í gangi?“ spyr sá nafnlausi. „112!“ hvetur einn til.

Áður en yfir lýkur blandar kona sér í umræðuna. „Maðurinn minn var ekki að stela neinu hann sá bara köttinn okkar inni í húsinu. Maðurinn minn fór bara að banka á hurðina til að láta okkur vita að kötturinn minn væri inni,“ segir hún.

Síðan kemur maðurinn sjálfur fram. „Halló, það er ég á þessari mynd, ég var einfaldlega að leita að kettinum mínum, þú getur staðfest það við eiganda hússins,“ segir hann. „Annars vegar er gott að deila þessum myndum því Ísland er rugl.“

Einhverjir bæjarbúar gera síðan athugasemd við eftirlitssamfélagið.

„Ég læstist einusinnni út úr íbúðinni minni þegar ég var ung og grönn og náði að skríða inn um gluggann, er þakklát að samfélagsmiðlar voru ekki til þá. Hvernig væri að tala við manninn áður en þú ásakar hann um eitthvað óheiðarlegt,“ segir ein.