Hetja bjargaði 16 ára unglingi á Cabarita ströndinni í Ástralíu um helgina eftir að tveggja metra langur hákarl réðst á unglinginn í sjónum.

Samkvæmt fjölmiðlum hafði hákarlinn bitið unglinginn í hægri handlegg, úlnlið og fót þegar ónefnd hetja skarst í leikinn og kýldi hákarlinn. Við höggið flúði hákarlinn og hægt var að koma hinum særða ungling í örugg skjól. Hann var svo fluttur með þyrlu á spítala í nágrenninu en sjúkraflutningamaður, sem var í fríi, var að staddur á ströndinni og gerði að sárum unglingsins til að byrja með.

Samkvæmt áströlskum fjölmiðlum slasaðist unglingurinn illa en er ekki í lífshættu. Önnur þyrla var send til að leita að hákarlinum en ekkert sást til hans.