Það verður suðaustan og austan átt í dag og verður vindur á bilinu 5 til 13 metrar á sekúndu.

Það er lægð sem þokast vestur skammt suður af landinu og veldur lægðin nokkuð mikilli rigningu víða; einkum á Suðausturlandi.

Fyrir norðan og austan styttir upp með morgninum, en á morgun er reiknað með austlægari vindi; kaldi eða stinningskaldi syðst en yfirleitt hægari vindur annars staðar.

Það verður skýjað og nokkur væta um landið austanvert; skýjað með köflum vestantil á landinu og skúrir hér og þar og hiti verður á bilinu átta til fimmtán stig.