Valdimar Örn Flygenring, leikari og tónlistarmaður er afar ósáttur við utanvegakstur á syðra Fjallabaki. Segist hann vera farinn að íhuga alvarlega að krefjast banns á umferð um svæðið.

Leikarinn góðkunni, Valdimar Örn Flygenring birti myndskeið á Facebook, sem hann tók á syðra Fjallabaki en þar sjást ljót hjólför í jarðveginum. „Hér hefur einhver snillingurinn bara ekið svona eins og leið liggur og bara hér áfram, aðeins verið að leika sér,” segir Valdimar og bætir við: „Og ég hugsa bara, er kannski kominn tími til að við lokum þessum vegum fyrir öðrum en fólki með einhverskonar réttindi og ábyrgð? Ég er því miður alvarlega farinn að hugsa það.”