Nova afneitar Ingó: „Vilj­um tryggja að öll­um líði vel á dans­gólf­inu“

Sím­afyr­ir­tækið Nova hefur nú tekið út afmælishringitón hjá sér þar sem Ingó Veðurguð raular, og er nokkurn veginn svona: „Ég fæ einn pakka í dag, ótrú­lega marg­ar flott­ar kveður í dag.“

Þeir sem þekkja fólk sem er með númer hjá Nova kannast líklega þennan lagstúf sem

heyr­ist þegar hringt er í einhvern á af­mæl­is­degi þeirra; hefur lagstúfurinn verið notaður af Nova árum saman.

Margrét Tryggvadóttir er framkvæmdastjóri Nova og segir hún að „við höf­um lengi verið með sama af­mælistón­inn, sem eft­ir ábend­ingar frá fjöl­mörg­um viðskipta­vin­um var ákveðið að breyta,“ segir Margrét og bætir við:

„Áfram er hægt að nálg­ast eldri tóna og hver og einn get­ur valið sinn vinatón.“

Ingó er úti hjá Nova, en mál hans tengt tugum ásökunum um kynferðisofbeldi hefur sett íslenskt samfélag á hliðina undanfarnar vikur; hefur Ingó verið afbókaður nánast alls staðar.

Nú hjá Nova.

Símafyrirtækið býður núna upp á lagið „Af­mæli“ með hljómsveitinni Á móti sól, þegar hringt er í af­mæl­is­börn sem eru í viðskipt­um við Nova.

Ákvörðun Nova er ekki tekin í einhverjum hálfkæringi enda var lagstúfur Nova farinn að skaða fyrirtækið, því mikill fjöldi viðskipta­vin­a fyrirtækisins mislíkaði að Ingó væri tengdur símafyrirtækinu – vinatónn Ingós þykir ekki vinalegur lengur.

Margrét segir að „við hlust­um á okk­ar viðskipta­vini,“ en vill alls ekki meina að Nova sé með þessu að taka afstöðu með eða á móti Ingó „en við vilj­um tryggja að öll­um líði vel á dans­gólf­inu hjá Nova.“

Heimild: mbl.is