Ísland sleppur við að vera rautt á korti sóttvarnarstofnunar Evrópu í bili

Sóttvarnarstofnun Evrópu hefur uppfært Covid-19 kortið og þar má sjá að Ísland er appelsínugult.

Óttast var um að Ísland yrði rautt á kosti Sóttvarnarstofnunar Evrópu í dag en það virðist hafa sloppið að minnsta kosti enn sem komið er.

Appelsínuguli liturinn er skilgreindur þannig að annað hvort er nýgengni smita undir 50 en hlutfall jákvæðra sýna sé yfir fjögur prósent eða þá nýgengið sé á bilinu 25 til 150 og hlutfall jákvæðra sýna undir fjögur prósent.  Þegar kortin eru uppfærð er notast við gögn vikunnar á undan.