Ingólfur Þórarinsson tónlistarmaður – aka Ingó Veðurguð – hefur eins og alþjóð veit slitið samstarfi sínu við lögfræðinginn Vilhjálm Vilhjámsson og segist nú vera í viðræðum við þrjár lögfræðistofur vegna komandi málaferla hans.
Svo virðist sem Ingó hafi verið ósáttur við Vilhjálm og ekki fundist hann gefa máli sínu nægan gaum og tíma og hefur Ingó látið hafa eftir að hann vilja hafa lögmenn, í fleirtölu, sem geti sinnt málum sínum að fullu; telur að þau séu orðin of yfirgripsmikil fyrir einn mann að sinna ásamt öðrum verkefnum.
Í samtali við RÚV sagði Ingó að hann ætli að fá fleiri til að fara með málin fyrir sig; er nú í viðræðum við þrjár lögfræðistofur.
„Þetta er orðið yfirgripsmeira en við héldum í upphafi,” segir Ingólfur og bætti við:
„Vilhjálmur er í öðrum verkefnum, meðal annars erlendis, þannig að þetta er bara orðin of mikil vinna.”
Veðurguðinn er á því að margt hafi verið látið flakka sem sé glórulaust og að „það er margt sem hefur farið úr böndunum; mörgu verið logið upp á mig; hreint út sagt.“
„Við Vilhjálmur erum búnir að eiga samtöl síðan þetta byrjaði og að lokum ákváðum við að þetta væri of mikið, miðað við þau verkefni sem hann er í . Ég vil bara að þetta verði einhver sem getur sinnt þessu að fullu,“ nefnir að lokum að „þegar hlutir fara í svona átt þá tekur það töluverðan tíma að vinna í þessu.”
Greinilegt er að engan bilbug er á Ingó að finna þótt Vilhjálmur hafi horfið til annarra starfa, og hyggst Ingó sækja mál sitt af miklum krafti.