Eins og alþjóð veit var Þórir Guðmundsson rekinn sem fréttastjóri á Stöð 2, og sá sem rak hann, Þórhallur Guðmundsson, sagði afar einkennilega hluti; sagði meðal annars að Þórir hefði staðið sig frábærlega sem fréttastjóri, en hann ákvað samt að reka hann! Hvað þarf eiginlega til að fólk á fréttastofu Stöðvar verði ekki rekið, fyrst Þórir var rekinn fyrir „frábær störf“?
Í það minnsta hefur mikið verið rætt um brottrekstur Þóris á samfélagsmiðlum og enginn virðist botna upp né niður í ummælum Þórhalls um Þóri á nánast sama tíma og hann rak hann.
Þórir fær mikið hrós á samfélagsmiðlum, sagður frábær fréttamaður og frábær fréttastjóri og hlýjar kveðjur streyma til hans í stórum stíl. Enda hefur Þórir staðið vaktina í áratugi.
Einn fyrrverandi fjölmiðlamaður, Glúmur Baldvinsson, vandar Þórhalli ekki kveðjurnar á samfélagsmiðli:
„Þórir er góður og gegn fréttamaður. Hreinn og ólitaður. Og vingjarnlegur. Missir af honum í veröld sem litast æ meir af pólitískum vígaferlum um yfirráð yfir skoðunum áhorfenda. Sá sem rak hann er reyndar rakinn og hæfileikasnauður skíthæll.“
Fréttamaðurinn Árni Snævarr segir einfaldlega að „Þórir er eðalmaður, svo mikið er víst“
Og annar fréttamaður, Sveinn Helgason tekur í sama streng þegar hann segir að „Þórir er og verður toppmaður.“
Vilhjálmur Skarphéðinsson er á því að í Þórhalli Guðmundssyni „sé að finna mikla mannvonsku.“