Gylfi með stöðu grunaðs manns í Manchester – Þetta hefur lögreglan að segja um málið

Mál Gylfa Þórs Sig­urðsson­ar, landsliðsmanns og leikmanns Evert­on, er ennþá til rann­sókn­ar hjá lög­regl­unni í Manchester, og ekki hef­ur verið gef­in út kæra á hend­ur Gylfa, að sögn lög­regl­unn­ar í borginni.

Þrjár vikur eru síðan Gylfi var hand­tek­inn vegna gruns um brot gegn stúlku undir lögaldri

Mikil þögn hefur ríkt um mál Gylfa í Bretlandi og hér á landi og hefur ekk­ert verið gefið út um það hvort Gylfi þurfi að mæta fyr­ir dóm­ara á næst­unni.

Slúður þess efnis hefur gengið um á samfélagsmiðlum að Gylfi ætti að mæta fyr­ir dóm­ara ytra á morg­un, en það hefur ekki fengist staðfest.

Samkvæmt frétt mbl.is hefur fjöl­miðlafull­trúi lög­regl­unn­ar í Manchester sagt að ekk­ert hafi verið ákveðið um mál Gylfa.

Samkvæmt fjölmiðlafulltrúanum er rann­sókn máls­ins enn í gangi, en fjölmiðlafulltrúinn segir að málið sé aðeins á því stigi; en um leið og staðfest verður af eða á hvort Gylfi verði kærður mun verða send út opinber tilkynning um málið.

Gylfi er enn skráður sem leikmaður Everton, en fulltrúi félagsins harðneitaði að tjá sig um mál hans í afar stuttu samtali við blaðamann Mannlífs. „No comment.“