Kolbeinn fékk uppreist æru

Staðan innan Knattspyrnusambands Íslands er grafalvarleg eftir að flett var ofan af þöggun vegna framgöngu leinstaklinga í karlalandsliðinu sem stjórn og framkvæmdastjóri bera ábyrgð á. Það sem sprengdi samstöðuna var að Guðni Bergsson, formaður KSÍ, var staðinn að ósannindum í samtali við Kastljós þegar hann sagði að engin kynferðisbrot leikmanna hefðu komið inn á sitt borð. Þórhildur Gyða Arnarsdóttir steig þá fram og upplýsti að landsliðsmaður hefði gripið i klof sér og seinna tekið hana hálstaki. Hún var með áverka eftir árásina. Málið var tilkynnt til KSÍ og Guðni Th. Jóhannesson, forseti Íslands, fékk bréf frá föður Þórhildar um málið og var upplýstur um að þarna væri um að ræða Kolbein Sigþórsson. Þórhildur Gyða fékk bætur frá leikmanninnum og KSÍ brást við með því að taka Kolbein út úr landsliðinu en aðeins tímabundið. Hann fékk í raun uppreist æru hjá sambandinu. Síðan hefur ríkt þöggun um athæfi hans á æðstu stöðum og málinu sópað undir teppið þar til Þórhildur sagði sögu sína. Almenn fordæming er á framgöngu KSÍ sem situr nú á neyðarfundi, annan daginn í röð. Lilja Alfreðsdóttir, ráðherra íþróttamála, hefur krafið Guðna skýringa og krefst uppgjörs …