Svindlað á aumingja Glúmi

Það blæs ekki byrlega fyrir Frjálslynda lýðræðisflokknum í kosningabaráttunni. Forkólfarnir, Guðmundur Franklín Jónsson og Glúmur Baldvinsson, þeysast um landið á bílaleigubíl, undir slagorðinu Á grænu ljósi,  og reyna að skrapa upp atkvæði en sýnilegs árangurs. Kannanir mæla fylgi flokksins rétt ofan við núllið. Síðast var Maskína með könnun sem sýndi flokkinn með 0,1 prósent fylgi. Þetta er Guðmundi Franklín þungbært en hann hafði talið að þau 10 prósent sem kusu hann í baráttunnu um forsetastólinn myndu skila sér. Þá taldi hann víst að frægðarsaga föður og afa Glúms myndi endurtaka sig. En Jón Baldvin Hannibalsson og Hannibal Valdimarsson er greinilega eitthvað stærra en þriðji ættleggurinn. Nú er annað uppi á teningnum, ekkert fylgi og flokkurinn virðist andvana fæddur. Guðmundur Franklín telur þó ljóst að um sé að ræða falskannanir og heldur ótrauður áfram. Það er svindlað á aumingja Glúmi og Gúnda …