Frétt Mannlífs veldur usla hjá Landhelgisgæslunni – Skipherra Týs sendur í leyfi

Skipherra Týs hefur verið sendur í leyfi vegna gruns um kynferðislega áreitni gagnvart tveimur ungum konum sem starfa um borð.

Á dögunum kom frétt á Mannlífi er varðaði kynferðislega áreitni og einelti í sjódeild Landhelgisgæslunnar. Nú hefur skipherra varðskipsins Týs verið sendur í leyfi og rannsókn hafin á málinu.

Blaðamaður Mannlífs hefur í nokkra daga reynt að fá svör frá Ásgeiri Erlendssyni, upplýsingafulltrúa Landhelgisgæslunnar varðandi málið, án árangurs. Hins vegar sendi hann svör til Ríkisútvarpsins í gær.

Mannlíf hefur undir höndum fleiri upplýsingar um málið og mun á næstunni birta fréttir upp úr þeim.