- Auglýsing -
„Mér datt ekki í hug að kosningavakan yrði svona löng. Hryllileg rússíbanareið þessi jöfnunarsæti,“ segir Jóhann Páll Jóhannsson, blaðamaður og frambjóðandi Samfylkingar, í samtali við Mannlíf. Jóhann Páll hélt í allan dag að hann hefði ekki náð kjöri. Röng talning í Norðvesturkjördæmi leiddi í ljós að Jóhann Páll og fjórir aðrir voru inni en jafnmargir urðu að víkja. Hann segsit sjá eftir samflokkskonu sinni, Rósu Björk Ingólfsdóttur, sem var þingmaður, lengst af degi.
„Vont að missa Rósu af þingi, eina öflugustu baráttukonu fyrir mannréttindum og loftslagsaðgerðum, sem ég hef kynnst. Ef þetta verður endanleg niðurstaða segi ég bara: Ég get ekki beðið eftir að hefjast handa og vinna í þágu jafnaðarstefnunnar á Alþingi og er ótrúlega þakklátur öllum sem hjálpuðu til við að gera þetta að veruleika.”