Svavar er öryrki og óskar eftir vespu svo hann komist til vinnu og í sund og fleira sem hann þarf að komast. Viðbrögðin á Facebook eru flest kærleiksrík en þó þykir sumum þetta nokkuð fyndið.
Svavar Bergdal Þrastarson, öryrki á Höfn í Hornafirði, sendi út neyðarbeiðni inn á nokkra hópa á Facebook, þar á meðal Brask og brall hópinn þar sem fólk er vant að selja hluti ódýrt. Óskar hann þar eftir vespu, annað hvort ókeypis eða fengi að borga eitthvað lítilræði á mánuði fyrir. Þá vill Svavar einnig gefa þeim sem færir honum vespu, fallegt gullúr að launum.
Athugasemdirnar, sem eru fjölmargar, eru flestar fallegar þar sem fólk lýsir yfir stuðningi við þessari beiðni Svavars en þó nokkrar eru af miður fallegum meiði. Stundum er um óharðnaða unglinga að ræða sem benda á vini sína og segja að þeir eigi vespu handa Svavari en eru í raun að hrekkja vini sína sem hlæja að þessum hrekk.
En talsverður fjöldi „grínista“ er fullorðið fólk. Birgi Jónsson bendir til dæmis á Söru vinkonu sína. „Þarftu ekki losna vid vespuna þina?“ Hann bætir svo við grínið, „Arnar Breiðfjörð Pétursson var eh tala um þu værir með nokkrar.“ Arnar svarar að bragði „Sara segist hafa skipt þinni fyrir hans.“ Sara segist svo því miður hafa selt allar vespurnar sínar.
Fleiri álíka ósmekklegar og ómanneskjulegar athugasemdir er að finna við þessa beiðni Svavars en sem betur fer eru þær í minnihluta. Nanna Lilja svarar einum brandarakallinum. „Afhverju þessi óþarfa leiðindi og „grín“? Hann er að óska eftir vespu gefins eða ódýrt og afhverju ekki frekar að hjálpa honum heldur en að vera með svona kjána framkomu?“
Þau sem vilja hjálpa Svavari að finna vespu geta náð í hann í síma 8620030.