Vanda Sigurgeirsdóttir er sjálfkjörinn formaður KSÍ fram í febrúar næstkomandi. Aukaþing KSÍ fór fram í dag en ársþing fer fram í febrúar þar sem verður aftur kosið um formann og stjórn.
Vanda var ein í framboði og einnig var stjórn sambandsins sjálfkjörinn.
Það hefur blásið um KSÍ undanfarna mánuði eftir að ásakanir á hendur landsliðsmanna um ofbeldi og meðferð sambandsins varðandi þau mál, sem þótti lykta af þöggun.
Hér má sjá hvernig staðan er hjá KSÍ í dag:
Formaður:
Vanda Sigurgeirsdóttir (Reykjavík)
Stjórn:
Ásgrímur Helgi Einarsson (Reykjavík)
Borghildur Sigurðardóttir (Kópavogi)
Guðlaug Helga Sigurðardóttir (Suðurnesjabæ)
Helga Helgadóttir (Hafnarfirði)
Ingi Sigurðsson (Vestmannaeyjum)
Sigfús Kárason (Reykjavík)
Unnar Stefán Sigurðsson (Reykjanesbæ)
Valgeir Sigurðsson (Garðabæ)
Orri Hlöðversson (Kópavogur)
Varastjórn
Kolbeinn Kristinsson (Reykjavík)
Margrét Ákadóttir (Akranesi)
Þóroddur Hjaltalín (Akureyri)