Gísli Marteinn Baldursson, sjónvarpsmaður virðist vera mjög pirraður yfir framkvæmdunum í miðbænum og segir í twitter færslu sinni: „þetta er í alvöru gjörsamlega óþolandi.“
Reykjavíkurborg hefur verið í miklum framkvæmdum síðustu árin og er fólk farið að finna til mikillar þreytu, en erfitt hefur verið að komast leiðar sinnar á vissum svæðum í borginni.
Gísli talar þar um að þetta sé svona allsstaðar við framkvæmdir: Litluhlíð, Bústaðavegsbrúnna, stúdentagarðana, Neshaga og spyr: hvað er málið? Hvers vegna eru ekki alvöru hjáleiðir?
Gísli vísar til færslu Aðalheiðar, þar sem að hún segist líka vera orðin mjög þreytt á þessum framkvæmdum: „Ég sé engin merki um tilganginn með þessum farartálma á reiðhjólafólk og gangandi vegfarendur. Af hverju fæ ég aldrei að komast leiðar minnar. “
Fólk skrifar undir þessa færslu og segist almennt vera sammála.
Ómar segist: „hafa sent í sumar skilaboð á Vancouverborg þar sem göngustígar voru lokaðir báðu megin vegna nýbygginga við eitt stræti. Komið í lag svona 2 dögum seinna. Þetta er hægt!“
Á næstu misserum eru fyrirhugaðar enn fleiri og stærri framkvæmdir og verður forvitnilegt að sjá hvernig Reykjavíkurborg mun tækla samspilið á milli framkvæmdanna og borgarbúa.