- Auglýsing -
Guðmundur nokkur var ekki parhrifinn af smurða rúnstykkinu sínu sem hann keypti á þjónustustöð N1. Máli sínu til stuðnings birti hann þessa mynd af brauðmetinu inni í fjölmennu samfélagi matgæðinga á Facebook, Matartips!:
Við myndina spyr Guðmundur:
„Ef þið smyrjið ykkur rúnstykki að væruð þið sátt við þetta? N1 svoleiðis að bruðla smjöri…“
Fjölmargir tjá sig undir færslu Guðmundar, flestir gagnrýna hið smurða rúnstykki á meðan aðrir lýsa yfir ánægju sinni. Pálínu þykir ekki mikið til vinnubragða N1 koma. „Þessi þarf að fara til mömmu minnar í nám við að smyrja brauð, segir Pálína. Arnar er henni sammála. „4 ára gömul dóttir mín smyr betur en þetta!,“ segir Arnar.
Rósa er líka gagnrýnin. „Það er búið að setja þrjár klessur á þetta og er því ekki smurt! Ég yrði alls ekki sátt við þetta og vil smjör á bæði botn og lok því annars er þetta mjög þurrt og ég elska smjör bara ekki í klessum!,“ segir Rósa.
Hallgrímur hefði ekki látið bjóða sér þetta. „Þetta er algjörlega óboðlegt og metnaður hjá „smyrjara” núll, ef maður borgar fyrir smurt brauð á maður að fá smurt brauð, ekki svona smáklessuverk, segir Hallgrímur. Karl átti hins vegar ekki von á meiru. „Þetta er samt svona eginlega það sem maður byst við þegar maður verlsar við bensín stöð, „ segir Karl.