Ungur maður stunginn við Breiðholtslaug – Lögregla segir árásarmann mögulega undir lögaldri

Ungur karlmaður var stunginn við Breiðholtslaug upp úr hádegi í dag. Árásarmaðurinn var handtekinn og í samtali við Morgunblaðið útilokar lögregla ekki að fórnarlamb og árásarmaður séu undir lögaldri.

Mik­ill viðbúnaður var við Breiðholtslaug eft­ir árás­ina og komu nokkr­ir sjúkra­bíl­ar á vett­vang. Þóra Jón­as­dótt­ir aðstoðar­yf­ir­lög­regluþjónn staðfesti árásina:

„Já það var þarna hrnífstungu­árás og búið er að hand­taka ger­and­ann,“ sagði Þóra í samtali við Morgunblaðið. Hún sagðist þar ekki vita hvort um sé að ræða ein­stak­linga und­ir lögaldri og ekki held­ur vita hvort áverk­arn­ir væru al­var­leg­ir.

Málið er komið inn á borð miðlægr­ar rann­sókn­ar­deild­ar lögreglunnar á höfuðborgarsvæðinu. Fórnarlambið var með meðvitund þegar viðkomandi var fluttur með sjúkrabíl af vettvangi.