Lögreglu barst tilkynning um umferðarslys í Fossvogi skömmu fyrir klukkan sex í gær. Fimm bifreiðar höfðu lent í slysinu og var um harðan árekstur að ræða. Sá sem talinn er hafa valdið slysinu var handtekinn, bæði grunaður um ölvun og að hafa ekið ítrekað án ökuréttinda. Ekki er vitað um meiðsl ökumanna eða farþega að svo stöddu.
Þá bárust lögreglu ítrekaðar tilkynningar um unga konu í hverfi 101. Var konan í annarlegu ástandi vegna ölvunar. Lögregla reyndi að aka konunni til síns heima en þegar það tókst ekki var farið með hana niður á lögregustöð. Þar gisti konan í fangaklefa.
Ungur maður var handtekinn í hverfi 105 í nótt. Maðurinn var í annarlegu ástandi og því var hann látinn gista í fangaklefa lögreglunnar.
Einn ökumaður var stöðvaður í Árbæ. Er sá grunaður um að hafa ekið undir áhrifum fíkniefna og ítrekað án ökuréttinda