Tilkynning frá starfsfólki Eflingar: „ Ekki mein­ing að for­maður félags­ins segði af sér“

Starfsfólk Eflingar sendi nú undir kvöld frá sér yfirlýsingu vegna málefna Eflingar í tengslum við afsögn Sólveigar Önnu Jónsdóttur, sem vakið hefur mikla athygli.

Kemur fram að starfsfólk Eflingar hafi ekki viljað að Sólveig Anna segði af sér, en hér má sjá tilkynninguna í heild sinni:

Í ljósi frétta­flutn­ings síð­ustu daga viljum við koma eft­ir­far­andi á fram­færi: 

Það var ekki vilji eða mein­ing starfs­manna­fund­ar­ins á föstu­dag að for­maður félags­ins segði af sér. Starfs­fólk félags­ins hefur unnið af heilum hug sam­kvæmt þeirri stefnu sem for­ysta félags­ins hefur sett síð­ustu ár. Fjöldi starfs­manna félags­ins starfar hér vegna þeirrar bar­áttu sem Sól­veig hefur háð. Þau vanda­mál sem starfs­fólk ræddi, vildi starfs­fólk leysa í sam­vinnu við yfir­menn.

Yfir­lýs­ingin á föstu­dag var ekki sett fram í þeim til­gangi að lýsa van­trausti eða hrekja nokkurn úr starfi. Hún var hugsuð sem fyrsta skref á leið til lausn­ar.

Starfs­fólk er, sem endranær, að vinna fyrir félags­menn með þeirra hag fyrir brjósti.

Fyrir hönd starfs­fólks Efl­ing­ar,

trún­að­ar­menn