Rakel hættir sem fréttastjóri og kveður Ríkisútvarpið: „Ákvörðun mín var því ekki auðveld“

Rakel Þor­bergs­dótt­ir hef­ur ákveðið að láta af starfi frétta­stjóra Rík­is­út­varps­ins um komandi ára­mót. Hún hefur gegnt starfinu í rúm 7 ár. RÚV greinir frá þessu í tilkynningu. Rakel hefur verið farsæl í starfi og notið umtalsverðra vinsælda sem stjórnandi

Starf frétta­stjórans verður aug­lýst laust til um­sókn­ar eftir áramót. Heiðar Örn Sig­urfinns­son vara­f­rétta­stjóri mun gegna starfi frétta­stjóra frá því að Rakel læt­ur af störf­um um ára­mót­in og þar til nýr frétta­stjóri hef­ur verið ráðinn.

Fram kem­ur í til­kynn­ing­unni að Rakel hafi unnið á frétta­stof­um RÚV í 22 ár.

„Ákvörðun mín var því ekki auðveld, frétta­stof­an er frá­bær vinnustaður en það er öll­um hollt að breyta til og tak­ast á við nýj­ar áskor­an­ir,“ er haft eft­ir henni í tilkynningunni.

Seg­ist Rakel kveðja fé­laga sína með söknuði. Ekki er gefið upp hvort hún hafi fengið nýtt starf eða sé einfaldlega að halda út í óvissuna.