Skagfirðingar eru hvattir til að tendra ljós í kvöld til minningar um Erlu Bjarkar Helgadóttur sem féll frá í blóma lífsins þann 2. nóvember síðastliðinn. Hún lætur eftir sig eiginmann og fjögur börn.
Í dag hefði Erla Björk orðið fertug. Til að minnast hennar og til sýna fjölskyldu hennar stuðning hafa nemendur Fjölbrautaskóla Norðurlands vestra, þar sem sonur Erlu Bjarkar stundar nám, stofnað til viðburðarins Látum Skagafjörðinn lýsa fyrir Erlu Björk. Á heimasíðu nemendafélagsins segir:
„Okkur langar að tendra kerti í minningu Erlu Bjarkar Helgadóttur þann 10. nóvember þar sem hún hefði átt fertugsafmæli þann dag. Við hvetjum fólk að vera með og setja útikerti fyrir utan húsið hjá sér til að minnast Erlu og til stuðnings við fjölskyldu hennar. Látum Skagafjörð lýsa klukkan 20:00 þann 10. nóvember fyrir Erlu.“
Sjálf starfaði Erla Björk í Varmahlíðaskóla og sat í foreldrafélagi Fjölbrautarskólans. Blessuð sé minning hennar.