- Auglýsing -
43 greindust með kórónuveiruna í hraðprófum á fimmtudaginn, sem er metfjöldi. Um fjögur þúsund manns mættu í hraðpróf hjá Heilsugæslu höfuðborgarsvæðisins í gær, sem er einnig metfjöldi.
Þegar hafa tvö þúsund manns skráð sig í hraðpróf í dag.
Marta María Arnarsdóttir, verkefnastjóri hjá Heilsugæslu höfuðborgarsvæðisins, segir í samtali við Vísi að starfsfólk Heilsugæslunnar hafa búist við holskeflu í dag og að það hafi undirbúið sig vel.
Allir lausir tímar í hraðpróf fylltust og komust færri að en vildu. Fleiri tímum hefur verið bætt við í dag til þess að mæta aukinni eftirspurn. Þá hefur Heilsugæslan ráðið fleira starfsfólk að sögn Mörtu Maríu.