Gústaf Níelsson ritar eins og oft áður áhugaverðan pistil á Facebook-síðu sinni, enda áhugaverður maður, og nú eru það vandamál Landspítalans sem eiga hug hans allan:
„Auðvitað er hann enginn búmaðurinn, sem ekki barmar sér, þótt dropinn holi steininn og kornið fylli mælinn.
Ástandið á Landsspítalanum er algerlega stjórnmálamönnum að kenna, sem hafa gert þau skelfilegu mistök að vanrækja að reisa elli- og hjúkrunarheimili, sem hefur þær afleiðingar í för með sér að eitt hundrað lasburða gamalmenni teppa spítalann.“
Bætir við:
„Það er á fagmálinu kallað fráflæðisvandi. Þann vanda mátti léttilega greina fyrir hálfri öld.“
Gústaf beinir líka spjótum sínum að hjúkrunarfræðingum:
„Auk þess eltu menn þann hégóma að gera hjúkrunarnám að háskólagrein, þótt það verknám sé í eðli sínu ekki akademískt og ætti í reynd heima í sérskóla, líkt og nám lögreglumanna.“
Segir að endingu að „þetta ráðslag býr óhjákvæmilega til skort á fólki sem leggur sig eftir því að sinna störfunum. En við hverju er svo sem að búast af stjórnmálum sem stefna hraðbyri í ruslflokk?“