Einar Þór Hreinsson er maðurinn sem er grunaður um að hafa frelsissvipt 14 ára stúlku, haldið henni í bíl sínum í þrjár klukkustundir, misþyrmt henni og nauðgað. Því heldur DV fram og segir Einar 35 ára gamlan sem hafi verið dæmdur fyrir kynferðisbrot í fyrra í Héraðsdómi Suðurlands.
Líkt og Mannlíf greindi frá var Einar úrskurðaður í gæsluvarðhald en hann er grunaður um að hafa frelsissvipt og nauðgað 14 ára stúlku á höfuðborgarsvæðinu um síðustu helgi. Hann svipti stúlkuna frelsi í bíl sínum í þrjár klukkustundir þar sem hann meðal annars nauðgaði henni. Gæsluvarðhaldinu yfir honum var ekki framlengt.
Samkvæmt RÚV átti Einar samskipti við stúlkuna í gegnum samfélagsmiðla en þar var hann afar ágengur að fá að hitta hana. Hann hafi svo sótt hana í heimahús þar sem hún var gestur, síðasta laugardagskvöld og í bíl sínum hélt hann henni í þrjá klukkutíma. Í bílnum nauðgaði hann barninu og beitt henni öðru líkamlegu ofbeldi. Eftir brotið keyrði Einar henni áleiðis heim til sín og setti hana út skammt frá heimili hennar.
Þegar stúlkan hafði ekki skilað sér heim á réttum tíma höfðu foreldrar hennar samband við lögregluna og óskaði eftir aðstoð við að leita að henni. Í samskiptum Einars við stúlkuna á samfélagsmiðlum var honum tíðrætt um aldur hennar. Lögreglan á höfuðborgarsvæðinu rannsakar nú málið.
DV segir Einar hafa hlitið tveggja mánaða skilorðsbundið fangelsi vegna athæfis sem hann framdi seint í ágústmánuði árið 2017. Snerist það um rafræn samskipti við aðila sem hann taldi vera 13 ára stúlku. Í ákærunni var brotinu þannig lýst:
„…sem ákærði taldi vera 13 ára stúlku, ítrekað viðhaft kynferðislegt og ósiðlegt orðbragð en ákærði spurði hana fjölda spurninga þess eðlis, lýsti fyrir henni og spurði hana um kynferðisathafnir sem hann langaði að stunda með henni, meðal annars um munnmök, samræði, að setja fingur í leggöng hennar og að þau stunduðu ýmis kynferðismök ásamt annarri stúlku, lýsti því yfir að hann ætti eftir að hafa samræði við hana, bað hana ítrekað um að senda mynd af kynfærum sínum og bauðst til að senda mynd af eigin getnaðarlim í skiptum og bað hana um að sýna sig á kynferðislegan hátt í gegnum vefmyndavél.“
DV hafði sambandi við Einar sem sagðist ekki geta tjáð sig um málið umfram þetta: „Mér er kennt um eitthvað sem ég gerði ekki.“