Bryndís Oddgeirsdóttir varð heldur betur fyrir óskemmtilegri og hreinlega niðurlægjandi framkomu þegar hún ætlaði að versla í búðinni Curvy.
Gefum henni orðið:
„Ég fór í verslunina Curvy og bað um aðstoð við að finna mér réttan brjóstahaldara, og starfsmenn réttu mér nokkra, og ég mátaði en mér fannst enginn ná að halda nógu vel á hliðinni; þá sagði konan sem vinnur þar að ég væri bara löt og að ég ætti að fara í ræktina.
Þetta fannst mér mjög særandi og hef ekki getað farið þarna síðan; mér var bent á að fara í Misty af konu sem var að máta föt: Hún sá hversu niðurbrotinn ég var“ segir Bryndís og bætir við:
„Ég fór bara í mín föt og labbaði út.
Að búð eins og þessi, Curvy, komi svona fram við kúnnana sína; ég á bara ekki til orð; ég hef verslað við Curvy í mörg ár, og aldrei neitt vesen eða leiðindi hingað til. Curvy auglýsir sig sem búð fyrir feitt fólk, og svo geta þeir ekki aðstoðað eins og fagfólk.
Fólk frá Biggest Looser hefur oft verslað þarna, og fengið sér mjög góð föt, en hvernig þá ef þeir eiga ekki brjóstahaldara sem halda við?“ spyr Bryndís og er mjög ósátt við dónaskapinn sem henni var sýndur.
Segir að svo hafi konan dónalega farið á bakvið og sótt annan brjóstahaldara; „kom með hann til mín, og ég mátaði hann, og þá spurði ég hvort þau ættu einni stærð stærri, og þá fékk ég svarið: „Við erum ekki með fyrir svona stórar konur.“
Einnig sagði hún að „við vitum alveg hvað við þurfum að gera til að komast í haldarann,“ og glotti; það voru tvö vitni að þessu; meðal annars kona í mátun, og vinkona mín sagði að ræktin kæmi þessu ekkert við,“ sagði sár og niðurlægð Bryndís að lokum.