Rúnar nokkur er hundsvekktur eftir að hafa átt viðskipti í vegasjoppu Aktu Taktu í höfuðborginni. Það sem fór svona hressilega í taugarnar á honum var það sem honum fannst lítið hreinlæti starfsfólksins.
Til að átta sig betur á hvað Rúnar á við er best að líta á færslu hans í fjölmennu matgæðinga á Facebook, Matartips! Þar segir hann:
„Í þrígang hef ég upplifað það í Aktu Taktu að krakkarnir sem eru að steikja hamborgara og að útbúa eina pylsu. Í öll skiptin hef ég aldrei séð krakkana nota hlífðar plast hanska. Allir að meðhöndla brauðin með berum höndum!!,“ segir Rúnar og bætir því við að vakstjórinn á staðnum hafi brugðist illa við athugasemdum sínum:
„Hreinlega laug því framan í mig að allir starfsmenn séu með hreinlætið á hreinu. Á meðan ég var að tala við viðkomandi,þá horfði ég yfir öxl viðkomandi og sá þar einn starfsmann með hamborgara brauð í annari hendinni án plast hanska. Ég ætla ekki að lýsa andliti vaktstjórans þegar ég bað hana að snúa sér við og sjá þetta með eigin augum. Já, lýgin og hrokinn kemur ávallt í bakið!!!“
Fjölmargir meðlimir hópsins benda Rúnari á að notkun plastahanska sé ekki endilega rétta aðferðin á meðan aðrir hneykslast á Aktu Taktu. Áslaug lítur þetta alvarlegum augum. „Ég fékk matareitrun sem fór út í blóðeitrun, lifrarbilun og eyddi 3 vikum á spítala síðasta sumar. Spritta, nýjir hanskar non stop er algjörlega nauðsynlegt. Það á að vera standard samkvæmt heilbrigðiseftirlitinu. Þetta er ekkert grín! Yfirmaður þarf að kenna rétt vinnubrögð!,“ segir Áslaug ákveðin.
Fríða er líka svekkt og segir vandamálið víða. „Á Selfossi í lúgusjoppunni þá nota þau hanska en virðist ekki skipta um þá. Fara í peningana taka svo upp pylsubrauð og koma við allt. Hálfógeðslegt,“ segir hún. Hafþór viðurkennir vandann. „Það er ekki langt síðan ég vann við svipað og handþvottur var ekki nefndur af yfirmönnum. Ég var sá eini sem þvoði hendurnar áður en ég meðhöndlaði matvæli. Ætli helst ekki að nefna að kassanir og aðrir algengir fletir voru mjög sjaldan hreinsaðir.“
Arinbjörn er einn þeirra sem segja hanskana óþarfa. „Hanskar eru falskt „hreinlæti“ og marg búið að sýna fram á að handþvottur og sprittun er margfalt betri….Með rannsóknum. Raunverulegum. Ekki bara kjaftagangi á fésinu,“ segir Arinbjörn. Og Valdimar tekur í sama streng. „Alveg hægt að bora í nefið og klóra sér í rassgatinu með hanska. Handþvottur og spritt er alveg nóg,“ segir Valdimar.