Sigurður Þ. Ragnarsson, betur þekktur sem Siggi Stormur, ritar átakanlega færslu á Facebook-síðu sinn:
„Kæru vinir mínir á FB. Núna þarf ég á vinargreiða að halda,“ ritar Siggi og bætir við:
„Jólin eru hátíð, hátíð ljóss og friðar og gleði. Núna er svo ekki hjá okkur hjónum, því sonur okkar, Árni Þórður, berst nú fyrir lífi sínu á gjörgæsludeild Landspítalans við Hringbraut og er haldið þar sofandi í öndunarvél; er nú að verða komin vika frá því sú staða kom upp.
Staðan er alvarleg hjá Árna Þórði,“ en um er að ræða „alvarlega líffærabilun.
En það er von. Jafnvel allnokkur von, að snúa megi þessari hræðilegu stöðu í aðra átt,“ segir Siggi og biðlar til vina sinna:
„Ef þið sjáið ykkur fært, viljið og getið sent honum hugheilar bænir um bata, bata handa syni mínum, þá væri ég ykkur óendanlega þakklátur. Það er styrkur að eiga góða vini. Nú þarf ég á ykkur að halda. Að endingu gleðilega hátið ykkur öllum til handa.
Guð blessi ykkur öll.“