Heilsumiðstöðin 9 mánuðir fékk á dögunum til sín nýtt sónartæki sem notað er til þess að fylgjast með barni í móðurkviði. Þá hefur 3D sónar verið vinsæll á síðustu árum en þar er hægt að sjá útlínur barnsins.
Nýja tækið nefnist Voluson E8 og býður upp á myndir og myndbönd í 5D. Tækið er framleitt af General Electric, uppfyllir að sjálfsögðu öll öryggisskilyrði og er það nýjasta þegar kemur að sónartækjum.
Tækið gefur afar skarpar myndir af ófæddu barni en best er að fara í slíka skoðun þegar konan er gengin 26 – 31 viku á leið.
Ýmsir þættir spila þó inn í gæði myndanna, til dæmis legvatnsmagn og lega barnsins þegar það er skoðað.
Heilsumiðstöðin 9 mánuðir hefur fengið afar góða umsögn og gætir starfsfólk þess vel að veita viðskiptavinum ávallt fyrsta flokks þjónustu.
Hægt er að nálgast frekari upplýsingar og myndir á Facebook- og vefsíðu þeirra.