Búin er brjáluð nótt : Tryllt veður tók við – Alls ekkert ferðaveður!

Nóttin var sú brjáluð ein, og um landið ljósið skein.

Eða þannig.

Eins og við mátti búast var nóttin nýliðna mörgum erfið; fólki og dýrum.

Þeir sem sinntu útköllum ýmiskonar þurftu að hafa verulega fyrir hlutunum – meira en venjulega og var ekki á bætandi; vont veður, sprengingar og mikill gleðskapur gerði það að verkum að gríðarlegur fjöldi útkalla var til dæmis hjá slökkviliðinu á höfuðborg­ar­svæðinu.

Og ekki bætti úr skák að stór sinu­bruni kviknaði í Úlfarsár­dal sem sást víða að.

Einnig þurftu slökkvilið á Akra­nesi og Sel­fossi að berjast við sinu­elda, en mjög þurrt hef­ur verið á suðvest­ur­horni lands­ins; bað slökkvilið fólk að fara var­lega við að skjóta upp flug­eld­um.

Varðstjóri á vakt hjá slökkviliðinu á höfuðborg­ar­svæðinu sagði nóttina bók­staf­lega hafa verið brjálaða að öllu leyti, þá verstu sem hann hafði upplifað á 30 árum sínum í starfin.

Árið 2022 kvaddi með látum, líkt og búast mátti við, og tekur því á móti Íslendingum með meiri látum; stormi og engu ferðaveðri, bara alls engu.

Gular og/eða appelsínugular viðvaranir gilda á öllu landinu á í dag og hvetur Vegagerðin alla til að fresta ferðalögum fram yfir hádegi á morgun.