Ein af stjörnum Áramótaskaupsins, Elma Lísa Gunnarsdóttir, er undir Stækkunargleri Mannlífs þessa vikuna.
Leikkonan knáa útskrifaðist úr Leiklistarskóla Íslands árið 2001 og hefur farið með ýmis hlutverk síðan, en á þessu ári kom til að mynda út gamanmyndin Saumaklúbburinn, þar sem Elma Lísa fer með eitt af aðalhlutverkunum.
Mannlíf komst að því að Elma Lísa er skemmtileg og góð, hún elskar allt sem maðurinn hennar eldar og segist oft eiga „miðaldramóment“, eins og hún orðar það.
Fjölskylduhagir? Gift Reyni Lyngdal á 2 dætur Unu Margréti og Nínu Magneu.
Menntun/atvinna? Leikkona og flugfreyja á sumrin.
Uppáhalds sjónvarpsefni? Góðar mini seríur, já og Skaupið.
Leikari? Ég elska Denzel Washington.
Rithöfundur? Auður Jónsdóttir.
Bók eða bíó? Bæði.
Besti matur? Allur matur sem Reynir minn gerir.
Kók eða Pepsí? Hvorugt.
Fallegasti staðurinn? Sigló og Toscana.
Hvað er skemmtilegt? Að dansa og hlægja vera með fjölskyldu og öllum mínum frábæru vinkonum:)
Hvað er leiðinlegt? Að rífast og fara út með ruslið.
Hvaða flokkur? Enginn flokkur bara fólk.
Hvaða skemmtistaður? Heima er best.
Kostir? Skemmtileg og góð.
Lestir? Get verið smámunasöm og óþolinmóð.
Hver er fyndinn? Nína Magnea.
Hver er leiðinlegur? Ég á ekki erfitt með marga en mikið fer Donald Trump í taugarnar á mér.
Trúir þú á drauga? Já.
Stærsta augnablikið? Þegar Nína Magnea fæddist.
Mestu vonbrigðin? Ég reyni að horfa fram á við og velta mér ekki upp úr þeim.
Hver er draumurinn? Lífið er draumur, en akkúrat núna væri sól og sumar á suðrænni strönd vel þegið.
Mesta afrek sem þú hefur unnið á þessu ári? Að halda geðheilsunni.
Ertu búin að ná öllum þínum markmiðum? Já mörgum en það bætast alltaf ný við.
Manstu eftir einhverjum brandara? Nei, man aldrei brandara.
Vandræðalegasta augnablikið? Þau eru ófá, ég er gjörn á að eiga miðaldramóment á netinu. Það nýjasta var að ég ætlaði að senda Andreu vinkonu minni afmæliskveðjuna „elsku fallega Andrea til hamingju með daginn.“ Ég sendi kveðjuna á einhvern Andra sem átti ekki afmæli.
Sorglegasta stundin? Vinur minn Árni Óli féll frá á árinu, ég sakna hans mikið.
Mesta gleðin? Að sjá Unu Margréti og Nínu Magneu vegna vel.
Mikilvægast í lífinu? Að hafa gaman og vera góður.