Í hjarta Reykjavíkur við Hverfisgötu 52 stendur íbúð sem er vekur athygli enda innréttuð á einstakan hátt.
Íbúðin er 204 fermetrar á stærð á þriðju hæð. Húsið er byggt árið 1930 og staðsett á horni Vatnsstígs og Hverfisgötu.
Lind fasteignasala hefur þessa einstöku eign á skrá.
Frá forstofunni er horft inn í stofu og eldhús en rýmið er opið, bjart með mikilli lofthæð.
Við hlið eldhússins blasir við ein elsta vörulyfta landsins sem gengur niður á jarðhæð. Hurð vörulyftunnar er merkt með einu þekktasta tískumerki heims, Versace.
Á jarðhæð hússins er opið geymslurými í sameign með útidyrum og innkeyrsluhurð.
Þrjú svefnherbergi eru í íbúðinni með parket á gólfi. Baðherbergið er mjög rúmgott með hita í gólfi og vönduðum tækjum. Stílhrein og tímalaus hönnun þar sem einnig má sjá Versace merkið fræga.
Vert er að taka fram að íbúðin býður upp á þann möguleika að breyta í tvær íbúðir án mikillar fyrirhafnar. Fullkomið hitunar og loftræstikerfi er í íbúðinni auk Bose hljóðkerfis.
Húsið var tekið í gegn að utan fyrir ekki svo löngu síðan þar sem gert var við múr og málað.
Ekki vantar upp á tískufatnað eiganda en hefur hann/hún búið til fallegt fataherbergi þar sem skipulag er til fyrirmyndar.
Eldhúsið fer ekki fram hjá neinum enda eld rautt að lit með góðu skápa- og borðplássi.
Sjón er sögu ríkari hefur svo sannarlega aldrei átt betur við en um þessa eign. Allar frekari auglýsingar er hægt að nálgast á vef fasteignasölunnar.