Það er alltaf líf og fjör í kringum Gústaf Níelsson, enda maður sem segir einfaldlega skoðanir sínar og það á skemmtilegan hátt. Á mannamáli.
Gústaf var að glugga í „montbók eftir Ólaf Ragnar Grímsson, „Sögur handa Kára,“ þar sem hann rekur margvísleg samskipti sín við heimsfræga „Alþýðubandalagsmenn“ en skemmtilegur þótti okkar manni kaflinn um Ted Turner, stofnanda CNN, en hann veitti Ólafi verðlaun 1986, ásamt nokkrum frægum vinum hans.
Er Ted þessi einhver litríkasta persóna, sem Ólafur hefur hitt; öruggur, frumlegur, glæsilegur, hávaxinn og fyndinn; telur að allir vegir séu sér færir; staðráðinn í að breyta heiminum til hins betra; hann einn geti áorkað miklu.“
Og bætir við:
„Þeir Ted og Ólafur eru greinilega montrassar úr sömu skúffu. Afburðamenn. Er Ólafur gekk í salinn á Waldorf Astoria hótelinu í New York heyrði hann Ted hrópa „Ísland! Ísland“ og bæta svo við:
„Ég hef notið ásta í ótal löndum en ég á eftir að gagnast konu á Íslandi!“
Ted mun hafa komið til Íslands skömmu síðar í boði Stöðvar 2 til þess að veiða lax. Kankvíslega bætir Ólafur við frásögn sína:
„Hef ég engar spurnir af hvort Ted hafi í þeirri ferð tekist að bæta Íslandi á listann yfir lönd árangursríkra ástarleikja.“