Brynjar getur ekki þagað

Brynjar Níelsson, fallinn alþingismaður, er líklega einn umdeildasti aðstoðarmaður allra tíma. Brynjar hefur í gegnum tíðina þótt vera á bandi karlmennskunnar í málflutningi sínum og einn helsti talsmaður feðraveldisins. Hann hefur verið á meðal þeirra umburðarlyndari þar sem kemur að refsingum fyrir kynferðisbrot. Hann og Jón Gunnarsson, dómsmálaráðherra og húsbóndi hans, hafa gjarnan verið á svipaðri línu í þeim efnum. Brynjar er einstaklega yfirlýsingaglaður á samfélagsmiðlum. Eftir fallið í prófkjöri sjálfstæðismanna þá lýsti hann þvi yfir að hann væri hættur á Facebook, En nú er hann sprunginn á limminu og í stað þess að standa þögull að baki húsbónda sínum er hann kominn fram á völlinn á ný þar sem hann upplýsir um mikilvægi yfirvegaðrar og málefnalegrar umræðu „sem er forsenda þess að búa saman í lýðræðislegu og siðuðu samfélagi. Útilokunarmenning og bannfæringar leiða aldrei til góðs“. Þetta þykir vera hyldjúpt ályktað frá kappanum ….