Aðeins má annað foreldri mæta með nýbura í svokallaða fimm daga skoðun þar sem kannað eru viðbrögð, heyrn og heilsa ungbarnsins.
Bólusetningar eða mótefni breyta engu og gildir sama reglan um alla.
Foreldrar neyðast því til að velja sín á milli hver fær að fylgja barninu í sína fyrstu skoðun eftir fæðingu.
Faraldurinn hefur haft mikil áhrif á barneignarferli foreldra, móðir fær ekki að taka aðstandanda með í sónarskoðanir né aðrar skoðanir á Landsspítalanum.
Einnig hefur það mikil áhrif ef kona fer af stað í fæðingu smituð af Covid en þá má hún til dæmis ekki hitta nýfætt barnið ef það þarfnast aðhlynningar á vökudeild.
Á vef Landsspítalans eru aðstandendur beðnir um að nota ekki sameiginleg rými, eins og kaffistofu eða salerni, nema brýna nauðsyn beri að.