- Auglýsing -
Leikaraparið Macaulay Culkin og Brenda Song trúlofuðu sig á dögunum eftir að hafa verið í sambandi í fjögur ár. Skartar Brenda nú fallegum hring frá Culkin.
Flestir þekkja Macaulay sem Kevin McCallister í Home Alone myndunum en í fyrra vakti hann einnig athygli fyrir hlutverk sitt í þáttunum American Horror Story. Unnusta hans, Brenda er þekktust fyrir þættina Dollface en hún hefur einnig getið sér gott orð við talsetningu teiknimynda.
Hið nýtrúlofaða par kynntist við tökur á kvikmyndinni Changeland sem tekin var upp í Taílandi árið 2017 (kom út 2019) og hafa hjörtu þeirra slegið í takt allar götur síðan. Saman eiga þau hinn níu mánaða gamla dreng, Dakota að nafni.