Þrír unglingar voru fluttir á Bráðadeild eftir að flugeldar sprungu í andlit þeirra

Þrír fjórtán ára drengir slösuðust í gærkvöld þegar flugeldar sprungu í höndum þeirra. Í tilkynningu frá lögreglunni kemur fram að að minnsta kosti einn drengjanna var með skerta heyrn eftir slysið.

Þremenningarnir voru allir fluttir á Landspítalann með áverka á höndum, andliti, augum og við eyru.
Haft var samband við foreldra drengjanna en átti atvikið sér stað í Seljahverfi klukkan sex í gærkvöldi. Ekki liggur fyrir hvort drengirnir hafi verið útskrifaðir.