Ungfrú Bandaríkin fannst látin eftir hátt fall: Hjálpaði föngum að kostnaðarlausu

Chesli­e Kryst, ungfrú Bandaríkin árið 2019, fannst látin á sunnudagsmorgun. Hún féll niður af tuttugustu og níundu hæð, annað hvort út um glugga eða af svölum en hún bjó í húsinu. Talið er að Cheslie hafi framið sjálfsvíg en inni í íbúðinni fannst bréf þar sem hún segir móður sína erfa allar sínar eignir.

Cheslie var lögfræðingur með þrjár gráður úr tveimur háskólum, hún hjálpaði föngum, að kostnaðarlausu, sem höfðu hlotið óréttlátan eða rangan dóm.

Chesli­e setti inn Instagram færslu þar sem stóð „Megi þessi dagur færa ykkur hvíld og frið“ undir mynd af henni sjálfri.