Edda Falak með trollið úti

Edda Falak er með trollið úti þessa dagana að leita uppi fórnarlömb manns sem hún segir hátt skrifaðan í samfélaginu og hafa þekkingu á covid og vera baráttumann hvað varðar alvarleika vímuefnavanda. Þessi aðferð Eddu hefur vakið nokkurn óhug og gríðarlega ólgu innan SÁÁ þar sem allt stefndi í að Þóra Kristín Ásgeirsdóttir upplýsingafulltrúi tæki við stöðu formanns stjórnar eftir að tveir formenn höfðu verið felldir eftir ásakanir um siðleysi. Búist var við að þóra Kristín myndi setjast á friðarstól og leiða samtökin út úr kreppunni. Þá var sendur út fjöldapóstur á alla stjórnarmenn frá Arnþóri Jónssyni, fyrrverandi stjónarformanni, og dylgjað um að Kári Stefánsson, vinnuveitandi Þóru, væri sá sem Edda væri á höttunum eftir. Þetta var rekið aftur til föðurhúsanna en Kári sagði af sér í stjórn og Þóra Kristín hætti við framboðið. Eldar óeiningar loga sem aldrei fyrr innan SÁÁ …