Leitað af fullum þunga áður en stormurinn skellur á

Leit að flugmanni og þremur farþegum sem voru í flugvélinni sem fannst í Þingvallavatni stendur enn yfir. Leitað er af miklum þunga við sunnanvert vatnið og verða gönguhópar, bátar og drónar notaðir við leitina.

Sér­að­gerða­sveit Land­helgis­gæslunnar hefur einnig verið kölluð út. Sveitin sérhæfir sig í neðansjávarbjörgun og leitar með kafbát Gavia.
Kafbáturinn var sendur niður að flaki flugvélarinnar í gær en fannst enginn þeirra sem leitað var í vélinni. Að sögn lögreglu hefur fólkið komist úr vélinni eftir að hún lenti á vatninu.
„Það verður mesti þunginn við sunnan­vert vatnið. Það verða göngu­hópar, bátar og drónar. Og þetta fer náttúru­lega svo­lítið eftir veðri,“ sagði Elín Jóhanns­dóttir, varð­stjóri hjá lög­reglunni á Sel­fossi í samtali við Vísi.
Spáð er stormi á svæðinu í nótt og því ekki möguleiki að leita við þær aðstæður.