Mál Páls Steingrímssonar, skipstjóra Samherja, tekur á sig sífellt furðulegri myndir. Grunninn að einni stærstu uppljóstrun um spillingu innan Samherja var að finna innan síma Páls sem var brotinn upp og flett ofan af Þorsteini Má Baldvinssyni forstjóra. Ekki er hægt að halda því fram með rökum að undirróður Páls, Þorbjörns Þórðarsonar, fyrrverarandi fréttamanns, og Þorsteins Más hafi ekki átt erindi fyrir sjónir almennings.
Páll Vilhjálmsson, sögukennari við Fjölbrautarskólann í Garðabæ, hefur verið duglegur við að dylgja um að blaðamennirnir fjórir, sem eru með stöðu sakborninga, séu glæpamenn og hafi jafnvel staðið að því að eitrað fyrir Páli skipsptjóra. Þá hefur hann endurtekið hamrað á því að Ríkisútvarpið sé glæpastofnun. „Fréttamenn RÚV, Stundarinnar og Kjarnans, RSK, eru á sakabekk vegna tilræðis að heilsu og einkalífi Páls skipstjóra Steingrímssonar. Eitrað var fyrir Páli og síma hans stolið …,“ skrifar sögukennarinn við Fjölbraut í Garðabæ.
Engin staðfesting liggur á aftur á móti fyrir um að eitrað hafi verið fyrir Páli og þá með hvaða hætti. Fyrir liggur að hann veiktist eftir að hafa setið við drykkju í Eyjafirði en það vantar enn greiningu á skyndilegum og dularfullum veikindum hans. Þess er beðið að norðanlögreglan upplýsi um efnafræðina að baki þeim fullyrðingum og nái þeim þá sem það voðaverk vann, ef kenning sögukennarnas í Garðabæ reynist rétt …