Einn ástsælasti söngvari sem Ísland hefur alið á afmæli í dag. Er það enginn annar en Engilbert Jensen sem fagnar í dag 81 árs afmæli sínu.
Engilbert er þekktastur sem söngvari og trommari Hljóma, Trúbrota og Ðe lónlí blú bojs. Þá var hann einnig í hljómsveitum á borð við Tilveru, Júdas, Óðmenn og Áhöfnin á Halastjörnunni. Hvert mannsbarn á landinu þekkja lög sem hann hefur sungið, á borð við Bláu augun þín, Þú og ég, Heim í Búðardal og Leyndarmál svo fáein séu nefnd.
Afmælisbarnið hefur lengi verið mikill áhugamaður um laxveiði og má segja að hann sé sérfræðingur í fluguhnýtingum en hann hefur bæði gefið út bækur um þær sem og haldið námskeið fyrir byrjendur. Í viðtali við Mbl.is árið 2016 sagðist hann enn vera að hnýta flugur. „Það eru alltaf að fæðast nýjar hugmyndir, maður er svo frjór.“
Mannlíf óskar Engilberti innilega til hamingju með afmælið!