Afmælisbarn dagsins er Nína Dögg Filippusdóttir leikkona en fagnar hún 48 ára afmælisdeginum í dag. Nína er svo sannarlega ein ástkærasta leikkona landsins en útskrifaðist hún úr leiklistardeild LHÍ árið 2001. Hún er einnig kvikmyndaframleiðandi og handritshöfundur og hefur í gegnum árin leikið í ótal þáttaröðum, kvikmyndum og á sviði.
Nína hefur hlotið fjölda tilnefninga en fékk hún Grímuverðlaunin fyrir Fólk staðir hlutir og Edduverðlaunin fyrir Brim og Hjartastein. Það eru ekki einu verðlaun sem afmælisbarn dagsins hefur fengið en var hún valin bæjarlistamaður Seltjarnarness árið 2017.
Eiginmaður Nínu er Gísli Örn Garðarsson leikari og saman eiga þau tvö börn.
Í viðtali við Morgunblaðið árið 2008 sagði hún að leiklistaráhuginn hafi alltaf verið til staðar.
„Þetta blundaði alltaf í mér. Ég var voða mikill trúður sem krakki. En ég var mjög feimin og þorði ekki að taka þátt í neinu leiklistarstarfi fyrr en ég var hálfnuð með menntaskóla. Þá henti ég þessari feimni í burtu og steypti mér á kaf í félagslífið“.
Mannlíf óskar Nínu Dögg innilega til hamingju með daginn, þrefalt húrra fyrir þér!