Það er mikið fjör á Seltjarnarnesi í dag Þar sem fjórir berjast um leiðtogasætið á lista Sjálfstæðisflokksins fyrir kosningarnar í vor. Í fyrstu var talið að Magnús Örn Guðmundsson, starfsmaður Arion-banka ynni sannfærandi sigur sem fulltrúi flokkseigendafélagsins en hann sat í öðru sæti listans á eftir Ásgerði Halldórsdóttur bæjarstjóra sem nú er á förum eftir róstursamt kjörtímabil. En svo greip um sig víðtækur áhugi og þrír til viðbótar gáfu kost á sér. Engeyingurinn Ragnhildur Jónsdóttir vill fá oddvitasætið og þar með bæjarstjórastólinn. Ragnhildur nýtur þess að vera náfrænka Bjarna Benediktssonar, formanns flokksins en þau eru syskinabörn. Á hinn bóginn kann Ragnhildur að mæta mótlæti vegna þess að flokkurinn er klofinn og andstæðingar Bjarna, stuðningsmenn Guðlaugs Þórs Þórðarsonar, munu ekki samþykkja hana.
Þór Sigurgeirsson er einnig grjótharður í slagnum en hann er sonur Sigurgeirs Sigurðsson fyrrverandi bæjarstjóra á Nesinu sem er einskonar goðsögn í huga gamalla Sjálfstæðismanna sem vilja að bæjarstjóragenin njóti sín að nýju. Fjórða leiðtogaefnið er svo Svana Helen Björnsdóttir verkfræðingur. Víst er að það verður háspenna á Seltjarnarnesi í dag og þar til stund sannleikans rennur upp í kvöld …