Ofurstjarna stödd á Íslandi – Myndir!

Hollywood ofurstjarnan Anna Kendrick er stödd á Íslandi ásamt tveimur vinkonum sínum, Maude Apatow sem leikur í hinum vinsælu þáttum Euphoria og Taylor Rooks, íþróttafréttakonu.

Fréttablaðið sagði fyrst frá þessari skemmtilegu heimsókn.

Hafa vinkonurnar farið saman í Bláa lónið, í fjórhjólaferð og á Reynisfjöru ef marka má Instagram reikning þeirra.

Anna Kendrick sló rækilega í gegn í kvikmyndinni Pitch Perfect en hefur síðan leikið í fjöldi vinsælla kvikmynda og árið 2010 hlaut hún tilnefningu til Óskarsverðlaunanna fyrir leik sinn í Up in the Air þar sem hún lék með hjartaknúsaranum George Clooney. Maude Apatow er dóttir leikstjórans Judd Apatow og leikkonunnar Leslie Mann en hefur undanfarið verið að gera garðinn mjög frægann sem Lexi í hinum vinsælu þáttum Euphoria. Taylor Rooks er vinsæl íþróttafréttakona en hún starfar fyrir Bleacher Report og Turner Sports.