Stríð Samherjamanna við Seðlabankann heldur áfram. Í gær tapaði Samherji fyrir Landsrétti eftir að hafa krafið Seðlabankann um 115 milljónir krón í bætur vegna afgreiðslu karfamálsins. Málinu var vísað frá. Foringi Skæruliðasveitar Samherja, Þorsteinn Már Baldvinsson vann aftur á móti dálítinn sigur þegar sami dómstóll dæmdi honum persónulega í hag vegna annmarka á afgreiðslu bankans. Milljarðamæringurinn fær í sinn hlut rúmar tvær kúlur, eins og sagt er götumáli, eða 2,5 milljónir króna. Þá fékk auðmaðurinn dæmdar 3 milljónir króna í málskostnað fyrir tveimur dómsstigum.
Litlu verður Vöggur feginn, kynni einhver að segja en talið er víst að Þorsteinn Már reyni að fara með málið fyrir Hæstarétt til að fá meira. Herjað er á Samherjamenn í nokkrum löndum fyrir að beita mútum í Namibíu til að komast þannig yfir kvóta og svíkja fé út úr færeyska ríkinu. Þorsteinn Már mun væntanlega hafa í nógu að snúast næstu árin …