Rithöfundurinn ástsæli, Guðrún Eva Mínervudóttir er afmælisbarn dagsins. Guðrún Eva er fædd á því herrans ári 1976, sem þýðir að hún er 46 ára í dag.
Guðrún Eva vakti fyrst athygli með smásagnasafni sínu Á meðan hann horfir á þig ertu María mey sem kom út árið 1998. Síðan hefur hún gefið út eina ljóðabók og þó nokkrar skáldsögur sem fengið hafa stórgóðar viðtökur. Hafa verk hennar hlotið bæði tilnefningar og verðlaun af ýmsum toga í gegnum tíðina. Nýjustu tilnefninguna hlaut hún fyrir skáldsöguna Aðferðir til að lifa af en það var Norðurlandaráð sem tilnefndi hana árið 2021.
Mannlíf heyrði í afmælisbarninu og spurði hvað það ætlaði að gera í tilefni dagsins, ef eitthvað.
„Ég ætla ekki að halda sérstaklega upp á daginn, en fer samt út að borða í kvöld. Ég er að kenna aðeins í LHÍ en annars er ég aðallega að skrifa.“
Mannlíf óskar Guðrúnu Evu innilega til hamingju með afmælið!