Bræðurnir Glauco og Gleison Ferreira fundust á lífi eftir að hafa verið saknað í fjórar vikur í regnskógum Amasón í Brasilíu. Bræðurnir sem eru sex og átta ára gamlir eru af frumbyggjaættum en týndust þeir eftir að hafa verið á fuglaveiðum í regnskóginum.
Skógarhöggsmaður fann drengina á þriðjudag en höfðu mörg hundruð manns tekið þátt í leitinni eftir að tilkynnt var um hvarf þeirra. Leitinni var formlega hætt þann 24.febrúar síðastliðinn en fann skógarhöggsmaðurinn drengina fyrir tilviljun um sex kílómetra frá þorpinu þar sem þeir búa. Drengirnir voru illa á sig komnir vegna vannæringar og voru fluttir til aðhlynningar á sjúkrahúsi. Kom síðar í ljós að drengirnir sögðust aðeins hafa drukkið regnvatn á meðan þeir voru týndir en greindi Vísir frá frétt BBC um bræðurna í morgun.